حفيد العندليب: لو عبد الحليم اتجوز سعاد حسني هينكر ليه؟!.. موضوع مش منطقي خالص

وسط موجة من الجدل والاتهامات على مواقع التواصل، خرج المطرب الشاب نور الشناوي – حفيد العندليب الأسمر عبد الحليم حافظ – عن صمته، ليرد لأول مرة على قضية الخطاب المنسوب للراحلة سعاد حسني، والذي زعمت بعض الأطراف أنه يكشف علاقة زواج سري بينها وبين العندليب.

وفي منشور له عبر حسابه الرسمي على "فيس بوك"، قال الشناوي: "أنا ساكت من الأول احترامًا للناس، بس الكلام اللي بيتقال بقى غير مقبول... بيتهمونا إننا بنسوق للترند وعايزين شهرة، وده غير صحيح تمامًا".

وأشار إلى أن العائلة ليست هي من بدأت هذه القصة، بل إن هناك من وصفهم بـ"المستفيدين" الذين يسعون لاختلاق رواية غير حقيقية: "في ناس عايزة تجوّز اتنين بالعافية وهما أصلاً ما اتجوزوش! واللي عنده إثبات يطلعه".

وأكد أن من حق العائلة الدفاع عن اسم وقيمة عبد الحليم حافظ، مضيفًا: "مافيش بيت فنان في مصر حافظ على تراث فني وإنساني زي بيت عبد الحليم، من مقتنيات شخصية وأعمال نادرة، فطبيعي لما يتم اختلاق شيء ما حصلش نرد وننفي".

واختتم قائلاً: "مش منطقي إن حد يتجوز ويخبي، ده كلام مافيهوش عقل، وإحنا بنكن كل الاحترام والتقدير للجمهور، بس كمان بنطالب باحترام اسم عبد الحليم وتاريخه".